إلى الدكتور محمود : وين هالغيبة؟

[شحادة ناطور]

وقّف ع شباكي الصبح عصفور = ورفرف بجنحو وقال افتحلي
فرفكت عيني من النعس مخمور = اتطلعت فيّو وقلت غرّدلي
قاللي صباح الورد والمنثور = وأحلى رسالة قام قدّملي
فيها ورود معطّرة بزهور = وقصفة حبق بالعطر مبتلّة
مدّيت ايدي ع الصبح مبهور = في قلب عم بيرفّ وبيغلي
قاللي مرقت وجيت ع الدكتور = لوّح في ايدو وصار يندهلي
ستات عندو يوقفوا بالدور = سمر وشقر واسنان منصقلة
وشفاف حمر مخططة بسطور = ومكنّزة برطاب عم تقلي
ورمان أحمر ينحشر ع صدور = عنّاب عم بيصيح قشّرلي
وغصون فيها لوّح الزعرور = عم يستوي ويحمرّ بالغلّة
زغاليل كبرت بالقفص بتدور = عمّا تسوسي وتخزق الفلّة
عم بحسدك وبقول يا دكتور = لو كان فيّي طير تا علّي
قوللك يا خيّي هون شفت بدور = عم ينطروا تا تطلّ هالطلّة
قوللن تعالوا جاكم الناطور = من كرمة العنبات والتلّة

[نجدي حاطوم]

اخي شحاده ناطور

دائما السباق

وانا ايضا اشتاق للدكتور محمود اسماعيل( عمر بن ابي ربيعه)

اتمنى ان يكون بخير, وان يعود الى الكلمه لاننا نشتاقه كثيرا

محبتي لكما

نجدي حاطوم

[شحادة ناطور]

اخي شحاده ناطور

دائما السباق

وانا ايضا اشتاق للدكتور محمود اسماعيل( عمر بن ابي ربيعه)

اتمنى ان يكون بخير, وان يعود الى الكلمه لاننا نشتاقه كثيرا

محبتي لكما

نجدي حاطوم

أخي نجدي

بتنسيقك للقصيدة زدت من جمالها
حين تضع يدك على الكلمات تتلاعب
الحروف وتتراقص الكلمات فتصدر
قصائدك الرائعة التي تزيّن الكثير
من المنتديات الأدبية في العالم العربي.
أشكرك أخي على كلماتك الرقيقة
وعلى التنسيق البديع الذي زاد من
رونق القصيدة.