عتابا -محمد علي الصالح- [الأرشيف]

مشاهدة النسخة كاملة : عتابا -محمد علي الصالح-

محمد علي الصالح

03-23-2008, 09:01 PM

مـن واجبك إن مـــرّيت قف-لي=إلعـــتابا مسكّره معهــا قِـــفلي
تخمين للقصيد تنهيه بقــفـــلي=قبل ما تـقــفـــّل قوافي الكتاب

محمد علي الصالح

03-23-2008, 09:02 PM

إلثرثار بـِحكيو دوم خـَفــَّش= خفيف وزي الخبز بموي خف-فاش
وفي ناس عليكم بتظهر متل خفــّاش=بتنسى المودّه وما تعملـّك حِـساب

محمد علي الصالح

03-23-2008, 09:03 PM

مع رفاق الـســّوْ شخصي مَ ساكن=وعَ أغلاطم أنا إبـــقى مــــا ساكن
وفي نــاس ساكته بتــظنـّا مســاكين=لكنــــهــــم أفـــاعي جوّات التراب

محمد علي الصالح

03-23-2008, 09:04 PM

إلفــكر لازم يتمشّى مع الطـِّب=والعماره ما بتعمر إلاّ مع الطـّوب
وغير هالراي الأمر بيكون معطوب=ولازمــو درايي مـــن حكم وآداب

الشاعر علم الدين بدرية

03-24-2008, 01:46 AM

من واجبك إن مرّيت قف-لي إلعتابا مسكّره معهـا قِفلـي
واجبك للقصيد تنهيه بقفلي قبل ما تقفّل قوافي الكتـاب
إلثرثـار بِحكـيـو دوم خَـفَّـش خفيف وزي الخبز بموي خف-فاش
وفي ناس عليكم بتظهر متل خفّاش بتنسى المودّه وما تعملّك حِسـاب
مع رفاق السّوْ شخصي مَ ساكن وعَ أغلاطم أنا إبقى ما ساكـن
وفي ناس ساكته بتظنّا مساكين لكنهم أفاعي جـوّات التـراب
إلفكر لازم يتمشّـى مـع الطِّـب والعماره ما بتعمر إلاّ مع الطّـوب
وغير هالراي الأمر بيكون معطوب ولازمو درايي مـن حكـم وآداب
*****
أخي وصديقي محمد علي الصالح ..
من روائع الكلام والحكم يا أبا إلياس .. قصيدة رائعة من عطر حروفكَ ..
دمتَ مبدعاً
علم الدين بدرية

نجدي حاطوم

03-24-2008, 04:18 AM

اخي العزيز ابا الياس

دمت بهذا العطاء الجميل

واهلا بك وبعودتك الى منتدى الكلمه

محبتي

نجدي حاطوم

د. محمود إسماعيل خليل

03-28-2008, 07:27 PM

محمد علي الصالح

03-28-2008, 11:47 PM

وقفت بصلا وجهي عا قِبـِلْتي=والنطره طالت وإنتي يالـْقبلتي
طـْبَعِتا ع جبينك وكانت قبلتي=فيها الحراره أحمى من شمس آب

د. محمود إسماعيل خليل

03-29-2008, 05:51 AM

يا سعدو الـ فات لبيتك و زارو
لــو نـــو مذنب بتسقط وزارو
دخيل الخصر مشدود ب وزارو
لو نو الموت لقدم طلب

من فضلك صحح لي أستاذ محمد إذا في خلل و منكم دائما نستفيد أستاذي الغالي
محبة

محمد علي الصالح

03-30-2008, 04:03 PM

محلا الدَخل عا بيتا وزارا=ولمح مريولها مشدشد وزارا
ولونـّي كنت قاعد في وزاره=لآخذ رايها بأيـّا طلب

د. محمود إسماعيل خليل

03-31-2008, 07:29 AM

أمــــــــــــــــانة يا مليحـــة كـــَلــّميـــــــــنا
برمش العيــــن أوعــــــــى تكلــّمـــــــــينا
بحر الشــوق مل ّ و كلّ مينــــــــــــــــــــا
الـ وقفت عليه ودّعت الحبــــــــــــــــــاب....

محبة أستاذي أبو الياس الغالي

دريد دغش

03-31-2008, 09:12 AM

يا محمد الشعر غنالك وعاد لك
وحط القلب بكفوفو وعد لك

يا محمد احكم بحبك وعدلك
يا صحاب الشعر
أبو الياس وأنا والله حباب

دريد دغش

03-31-2008, 09:13 AM

أنا شجرة وخضرا وراقي --- ومعشري طيّب وراقي

ع رفّ المكتبة ان جمعت وراقي-- لأبو الياس بألّف كتاب

محمد علي الصالح

03-31-2008, 09:24 AM

محمود خليل في حكيو برم - شي؟!=وعَ مْحَبّتو رح ارفعلوبَرِمْ-شاي
وعَ الخَمِرإفهم يا حْبَيِّبْ بـِرَمْشي=ولا تحمل عَليي في قلبك عـِتاب

مع محبتي لك يا دكتور محمود إسماعيل خليل

محمد علي الصالح

03-31-2008, 09:28 AM

على حبّـِك يا حلوي ألبي-ساطي=ورح افرشلـِك زهور العل-بـِساطي
وعنِدْ لقيانا بنطالك إلبسي- طيْ=تا ينتـِعـِش فيكي قلب الحباب

محمد علي الصالح

03-31-2008, 09:31 AM

هلّيت متل البَدِرْوالوِجْ-بان=أبيض بلونو زي التَلِجْ واجبان
وعمرك، يوم ما كنت خنوع وجبان=شجاع برايك واقف ع الصّواب

محمد علي الصالح

03-31-2008, 09:35 AM

ندهَتـْني من بعيد وصوتا دوى-لي=وشفيت من مرضي وعا قلبي دوا-لي
قلتلها يا يـُمـّا اطبخيلي دوالي=لـْحبيبة قلبي ما بـَفـْشـِل طـَلبْ

محمد علي الصالح

03-31-2008, 09:39 AM

أبويي إجا عليي مشى-هـَدْ=تَ يكون بين جمهوري مـُشاهـِدْ
وقـَلّلي زي طلاّتـَكْ مَ شاهـِدْ=برنـّات صوتك ، وانغامك طرب

محمد علي الصالح

03-31-2008, 08:39 PM

حسود الحسدني ربـّي وقال -بيه=سـِمـِعتو الْكانت بالعلالي قـَلْ-بيه
إجا عا راسو قـــلبه بعــد قــلبه=سامحتو ومحطيت البغضا بقلبي
خذو من زرعي اللّي بروحي بـَقـِلْ-بيه=خلقـــني الرّب الصممني بقالــِبي
وكسر القالب تا تفـتـفــت تراب=

وديع توفيق مرجية

03-31-2008, 10:18 PM

أَبو الياسْ بالعتابا شْبـيـهْ ما لو=ومِنها النّاس كِتيرْ طِرْبو وِمالو
يا ربّ إحفظو وكَـتّر لِ ـمالو=لأنو بِـيِِستاهَل زين الشباب

محمد علي الصالح

03-31-2008, 10:27 PM

لا تقرَب الرّزق إن كان من -شر=فضيحه ومتل الغسيل العـَمـِنــْشـَر
وعَ لسان النـّاسِ رح بتكون منشــار=طالــع ونازل بمـقــالت عـــذاب

د. محمود إسماعيل خليل

04-01-2008, 12:49 AM

أمانة يـــــــــأ مليحــــة كلمينـــــــــــــــا
برمش العين أوعـــــــى تكلمينـــــــــا
بحر الشــــــــوق ملّ و كلّ مينــــــــــا
ال وقفت عليه ودّعت الحبــــــــــــــاب

محبة

نور عقل

04-04-2008, 02:20 PM

حنين حاطوم

04-04-2008, 04:21 PM

بكفّي هموم في قلبي بكفّي
بكفّي حبيبي ودموعو بكفّي
عن الخدّين حبوب لولو بكفي
وبعزف على الرمشين لحن العذاب

للاستماع للعتابا أعلاه بصوت المطرب نضال خطيب اضغط هنا (http://www.fileden.com/files/2007/6/7/1154189/ataba_NedaL.mp3)

*·~-.¸¸,.-~*عزيزي نور,*·~-.¸¸,.-~*

لك جزيل الشكر والمودّة على هذه الكلمات الرائعة المليئة بالإحساس..
مبدع دائمًا بإختلاف..

لقد قمت بالإستماع للأغنية, رائعة من كل النواحي..
حتى أنها مختلفة قليلاً في إقاعها لكوننا إعتدنا على العتابا في نمط موسيقي أخر, ولكن هذا ما يجعلها جميلة ومميزة..

يعطيك الف الف الف عافيّة أنت ونضال لديه صوت جداً رائع..
دمت متميّز

حنين حاطوم:):):)

د. محمود إسماعيل خليل

04-05-2008, 08:00 PM

محمد يا غني و لو شح ّ مالـــــــــــــو
قلوب النـّاس صوبو الكل مالــــــــــو
غايب عن عيوني ليش ؟ مالـــــــــو؟
يا قلبي روح وصـّلــّو جــــــــــــواب

د محمود إسماعيل خليل

محمد علي الصالح

04-06-2008, 01:02 AM

دكتور محمود بـْعـِدّو خليلي= وبالعتابا بساحتو خلي-لي
ولـوْ كنت بالفيحا يمّا خليلي=ما بنسى يوم كلمات الصحاب

محمد علي الصالح

04-07-2008, 07:25 AM

شرِبت من مَعين ومن نبع والكل-ميْ=وناديـْتايا حلوه قوليلي شِ-كلمه
قالتلي مشغوله بموقع الكلمه= تا أنظملَك فيّو من ابيات العتاب

محمد علي الصالح

04-07-2008, 07:28 AM

حبابي لموقع الكلمه وحا-طم=وقوافي الزجل رح خبّي وحا-طـُم
معين ونجدي معهم آل حاطوم=زيّ عيوني رِموشي والهداب

محمد علي الصالح

04-07-2008, 07:32 AM

عُمر انقضى بالشعر وعُمرجايي=وأنا اللّي وْصفت لأرضي ومرجيْ
وفرحت بقولك يا إبن مرجيــّه= رغم الكبر لكنـّك شباب

محمد علي الصالح

06-22-2008, 06:09 PM

إلأنــسان مـن طيــنة آدم معــمــول=بـَحــِبـّو لو بشتــِغــِلْ بــَيــّاع معمول
وبسقط من عيني لـو ملاّك مع-مول=وبـــملك شاحنـــات ملياني ذهــب

سمير فياض

06-22-2008, 08:14 PM

احبائي اخترت لكم عتابا من لبنان والشام وفلسطين بالصوت والصورةhttp://www.youtube.com/watch?v=I8xJ-S5YgqM&feature=related
http://www.youtube.com/watch?v=h3FxUrTUN_E&feature=related
http://www.youtube.com/watch?v=9ids7W0nnJU&feature=related
http://www.youtube.com/watch?v=MjjiAMh518c&feature=related
http://www.youtube.com/watch?v=JMYpmE7b8f4&feature=related

محمد علي الصالح

06-22-2008, 08:23 PM

صديق العُـمـُر عَ الوفى مُـعاهـِد=تعـلّمنا سوا في أعلى مـَعاهد
إلعـِلـِم إبني والجهل معا-هــِد=تا نـِرفع سوا باجيال الشـّباب

نور عقل

06-22-2008, 10:57 PM

حرنا قدّام بيتو ومالنا
ملنا الهوى والهوى ما مالنا
يمكن خسرنا قصرنا ومالنا
لكن ربحنا شوف الحباب

رحاب بريك

06-22-2008, 11:19 PM

جاهد يا هالفكر وإبقى العمر مجاهد
ومش مهم تتعلم باحسن المعاهد
الناس بتحارب كثير وبتجاهد
وأنا حد ذاني عصفور إجا-هد
وقال لا تستحي قولي يا رحاب
أنا بجاهد عشان القلم والكتاب

محمد علي الصالح

06-23-2008, 02:52 PM

إلأَكل الزّاكي منعـِرفوعلى الشـّم=وأبو الياس لأَهـل الجود عـَشــّم
يا ريت شي يوم سافرعلى الشــّام=تقابل إخواني مع جمع الحباب

سمير فياض

06-23-2008, 11:29 PM

طلعنا بي جبل ونزلنا بخلة سقوني المر بعد المر خلي
عطيني لحظ عينيكي تاخلي الغنم تحمل عصا وترعى الذياب
انت حياتي وما الي عنك غنى

محمد علي الصالح

06-24-2008, 10:55 AM

قالوا عن ذكا بو الياس ومضه=خارق مثل حد السـّيف وامضا
وإبني بالـشّـعر لعطيه إمــضا=تا يرفعلي راسي ما بين العرب

برهان غانم

06-24-2008, 11:42 AM

الشاعر الكبير محمد علي الصالح
أشكرك على هذا الموضوع الجميل وهل يوجد أجمل من العتابا
لك وللجميع تقبل هذه الكلمات

دار ألي مابها ونسي نخلها=ولوأنو طال بحواضها نخلها
برق يلي بمناحيهم نخلها=عسا يمطر على ديار الصحاب

وأن قلت أه بقول ميتاه=فرج من رب العرش ميتاه
تبكي جميع الناس ميتاه=أنا لبكي على حالي دما

كنت أخ صرت جد بعد عم=أشوف السعد من عيني بعد عام
الله نسألك نجده بعد عام=عصاتي وعمل صالح للحساب

محمد علي الصالح

06-24-2008, 03:54 PM

يَ مارق عندي حـد البيت مـَرّه=تمرق عليي لو بتكون مـَرّا
أبو الياس إن سقاك البن مــُرَّا=تلاقي قـهيــوْتومن اطيب شراب

الشاعر مجيد حسيسي

06-24-2008, 05:21 PM

أخي أبا الياس..
أعط ابنك إمضاءك..
من ثمارهم..تعرفونهم..
أوجزت..فأحسنت.
محبـّـتي.

محمد علي الصالح

06-25-2008, 03:05 AM

قالو الأم بنّى والأب جنّى= وتحت أقدام الأمهات جنـّه
ولا تقولو عن محمد وِجـُنـّا=من عقلو فايض بيت العتاب

الشاعر مجيد حسيسي

06-25-2008, 03:47 AM

أخي أبا الياس
أتحفتني بالعتابا العذبة التي تنمّ عن تجربتك الطويلة فيها.
سلم نبضك وأبقاك الله ذخرا لنا وللون ما تكتب.
محبـّـتي.

محمد علي الصالح

06-25-2008, 09:35 AM

حبيبي قبل ما سافرنا مرْ-هون=ومرارات الجفا ذوّاق مـُرْهـُن
ولعيون الحبايب أنا مرهون=من هاليوم لَيوم الحساب

برهان غانم

06-25-2008, 06:20 PM

متى سود اليالي تفك عناي=ونطرب لوسمعنا لعب عالناي
لوتسمع بعض الإيام عناي=مثل من تايه الجادي ولاب

ياذيب الخلا بكاني عويلك=جريح هم النيا ويلي عاويلك
ان كنت مثلي مفارق عويلك=رافقني لنمرح البيدا سوا

محمد علي الصالح

06-26-2008, 08:57 AM

ربِّ الكون هالفكره وحى-لـِك=تـِتـْمتـَّعي بنعمة اللّـيل الحـالِـك
وإن سـألوكِ يَ حـِلـْوِي كيف حالـِك؟=إنـدَهـيلي ونا بعطيهم جواب!!!!!!

دريد دغش

06-29-2008, 03:07 PM

قلبك كهربا و فيه خطرنا...
ظلمنا و ما انجبر منك خاطرنا...
إذا شي يوم ع بالك...خطرنا ...
اندهينا ليك من رد الجوااااااب....

دريد دغش

06-29-2008, 03:10 PM

إنت زهر جوري ونا ميّ ...
بصدري غصنك مفرفح ونامي...
فرشيلي هداب عينيكي... ونامي...
حرام الزهر يغفى عالتراب ....

محمد علي الصالح

06-29-2008, 10:48 PM

إبني بـَعرَفو والياس مينو=عِرف شوالفشل والياس مينو
وراسو كللّـتو بـِياسمينو=ورد المـحبـِّه الزرعتو للحباب

محمد علي الصالح

07-02-2008, 05:51 AM

حكي الأخوِّه سمعو مع مرجـيـِّه=ومنتدى الكلمه بناه معمرجـيــِّه
ونجدي بو سلمان معو مرجيــِّه=باقات ورود في أرض لــِحبــــاب

محمد علي الصالح

07-02-2008, 05:55 AM

نــطرتا حد بيـــتا العـــشـِّمالي=وشفـِت عَ شجرتا العـُش-مالي
وخوفي ياخذو هندي وعشـِّي-مالي=خبـّـيت زغالــيلا جوّات لعبـــاب

محمد علي الصالح

07-02-2008, 05:57 AM

إجا ع الفـَحـِص نشف ريقو بلع-دم=لعب الورق سـَرَق أصـّو بلع-دام
قـَتل نـَفـِس والقاضي حكمو بلاعدام=تا يتعلّم غيرو ما يـــلعب العــــاب

محمد علي الصالح

07-02-2008, 06:03 AM

دَمِعي نزِل عـَبـْرَه بعد عـَبـْرَه=وذَكَرْت حْباب بالأحلام عبــــرا
وْمِنِ الدّنيا أنا استـــنــتجت عـِبره=الإسم لمليح ييديمك للحباب

محمد علي الصالح

07-02-2008, 11:29 PM

حياتي فهِمِت وِعْلَيّي شو مر هم=عِرِفت الناس من حِلْوُن وَمرهم
وأبياتي بتصير زيّ مرهم=عِنِد ما تمسّك ترتاح الاِعصاب

محمد علي الصالح

07-02-2008, 11:31 PM

رجال التـُّقى بديواني لإَمــّـا=وعلى الخيرات هالأمـّه لئمـّـا
وبــنت لجاويد ابتطلع لأمـــّا=ونسلها سالك دروب الصواب

محمد علي الصالح

07-02-2008, 11:33 PM

الحيِّه من جحرا أنا نـَسـِلها=وعلاما تتخبـّى؟ ونحنا نـِسلها
ولو كان معها اولادا ونسـلها=مَ رح إسكنها جوّات لتراب

محمد علي الصالح

07-02-2008, 11:36 PM

مرقت بتسلل والهدف مش- غول=لقاك الحـَكـَم إنـســاني ومش -غول
وبالأفكار لــمـّـا بتصير مشــغول=بتضيع الخطــّه وبتنسى الحِسـاب

محمد علي الصالح

07-02-2008, 11:39 PM

سـْهام المحبّه يا حـبـَـيـِّب بنا-دِق=فينا تأمـّل ونظراتك بنا- دِق
وعليك الإعدا إن رفعوا بنادق=رح نشعِّلها نيران ولهب

محمد علي الصالح

07-02-2008, 11:41 PM

محمد بالعتابا عمل برقه=وبشعار الزّجل بـَعلا وبرقى
ضوأفكاري البولـّدو برقا=بِتكون سراج لكل عاشق عتاب

محمد علي الصالح

07-02-2008, 11:44 PM

خذ الزّجل رزقا وِجـْني-بي=والجاهل لا تقربو وجنبــي
ولو غرّوك بمال عربي واجنبي=ضميرك لا تبيعو بموال وذهب

محمد علي الصالح

07-02-2008, 11:46 PM

عن الصّدِقْ إطـّلع شو بنجـُم=الصّادق حظــّو مكتوب ع نجوم
وناس الكذب في دمــُّن وبـَنـْجـُمْ=إبرة كرامه تشفيهم من عذاب

محمد علي الصالح

07-02-2008, 11:49 PM

يا زاير ولفك في أرضو معا-ليق=تهنّى بأكلك من غير ال معالـــــق
لوْ حضـَرْ ع الأكل كفته ومعاليق=ما بزبط إلاّ بوجود الاِحباب

محمد علي الصالح

07-02-2008, 11:51 PM

روحي طلعت ع اللّي سافر ومن- هـَج=وزعلت كتير من الثار ومن -هـــــاج
وانا بحمل في الحيـــــاة منهـــــــــاج=فـِكـِر صافي الما تحـَمَّلْ من عذاب

محمد علي الصالح

07-02-2008, 11:53 PM

يا رايح كرمتك خذ الزّاد مع -ســــل=لأنّو العنب بالكرمــــات معـــسـول
والنغمات ما تيـــزبط إلاّ مع -صول=يزبطلك فيها أوتـــــــــــــار الطرب

محمد علي الصالح

07-02-2008, 11:56 PM

عَ فعل الخير يا إنسان إجري=ثواب تنول عند الله أجرِ
وإذا ميـّات هالأنهار تجري=خَضارِ بأرضنا يغطـّي التراب

محمد علي الصالح

07-02-2008, 11:58 PM

بحب الأكل يا الفيـّو مقالي=وبهوى الجريدي كرمال المقالي
وغيرك يا الصدق بو الياس مـَقالِ=وسطـّر حروفو بموية ذهب

محمد علي الصالح

07-03-2008, 12:00 AM

ريحْتك مـِسـِك يا غالي فلا- فـُل=قـَعـَدْ جنبي يتـْسـَمـّع فلا-فـَلْ
ومن ديــّاتي طــعمــــيتو فلافـــل=أكله مَ تسجـّلت في أيــّا كِـتــــاب

محمد علي الصالح

07-03-2008, 12:02 AM

لقفتو بايدي يـومنــّو علـِق-مـَـــرْ=وقلت يا روحي ليه داير عَ لـقمار
مَ بـَدّي سمعتك توصل عـلـــقمــــار=الخساره توَصـْلـَك تحت التــــراب

محمد علي الصالح

07-03-2008, 12:03 AM

وفـّيت الميزان ومـَدري مين-قلْ=وشولي وشايه وما قول مين - قال
ورح أجمعكم عا أكلات مـِــنـقل=تَ نــنــسى العداوه وتا نرجع حباب

محمد علي الصالح

07-03-2008, 12:04 AM

فعل السـَّوْ لخــلاّنــي مَ عامــِـل=الشربو قهوه من دَيــي بمعاميل
والعافيه للّي اشتغلو بمعـــامل=ومنعرق جِبــيـنهم عملو ذهـب

محمد علي الصالح

07-03-2008, 12:06 AM

بساحة بيتي قعد عندي وبـِركان=فـَعل خير لربعــــو وبـِرْ-كان
وإذا ناديتو هاج زي بركــــان=بقـوّه وعزيمه بلــبــّي الطلب

محمد علي الصالح

07-03-2008, 12:08 AM

عليِّ إلفي يا حـبــَيــِّبْ وِبــَدِّرْ=بعد الصلا بالجامع وبالدّيــــر
يمّا العشا وعا ضيـّات لبدير=ويمحلا الأنس مع كل الاِحباب

سمير فياض

07-06-2008, 09:43 AM

يا حر الخصايل والشمايل
الشمس ليش عنك وشى مايل
البيادر والسنابل والشمايل
عنك اخذت لوان الذهب

محمد علي الصالح

07-06-2008, 11:58 AM

دروب الخير من أحلى مسالك=ودروب الشر في نهجا مَ سالك
مُنية قليبي أحلى مسا-لك=بِيقعدي هنيّة في كيف وطرب

محمد علي الصالح

07-12-2008, 09:01 AM

بأشعاري أنا داخل وبي كار=تا أتحدّى العم يْفرّوا وبي كرّ
بُيوتي موزّنه بْخيطي وبيكار=ومثلا يوم ما تهندس عتاب

الدكتور نجم السراجي

07-14-2008, 05:45 PM

رغم أن العتابا بحر... و هي من أصعب أنواع الشعر المحكي أو العامي كما يسمونه
و رغم أني لست ضليعا في هذا النوع من الشعر اقبلني أستاذ محمد علي الصالح تلميذا فيها

اشتروكي بالدهب و نتي قبلتي ونا اللي كنت معتبرك قبلتي
نسيتي و على شفافك بعدا قبلتي اسأليها بتعرفي منها الجواب

اخي وصديقي وزميلي العزيز د.محمود اسماعيل
انت استاذ وجميل ما كتبت وخطر في بالي ان ارد على هذي العتابا الجميلة وقبل مارد احب اعلمك بان العتابا او (الابوذية ) حسب تسميتنا لها في العراق هي ليست اصعب انواع الشعر الشعبي المحكي بل عندنا في العراق ما يسمى بـ ( الزهيري ) وهو نفس العتابا او الابوذية لكن اطول ويحتاج الىممارسة ومعرفة جيدة بفنون الشعر الشعبي والشعر الزهيري هو :
ــــ الزهيري يتكون من سبع ابيات الثلاثه الاولى تنتهي بنفس الكلمه تاتي بعدها ثلاثه ابيات تنتهي بكلمة اخرى غير التي سبقتها لمرة واحدة اواكثر ( يعني ان يكون العدد سبعة ابيات على الاقل ويمكنان تضاف ثلاثة ابيات اخرى حسب طول نفس الشاعر ) وتقفل الابيات بنفس الكلمه الاولى في اول بيت
مثال :

]يا صاح هذا الوكت مابيه صاحب وفي

بيه التجافي اشكثر والغدر وسطه وفيه

كنت بشتاك الشمس وبالصيف شجره وفي

واسهر واتاني الفجر واحسب انجومك وعد

كلما اعدهن ارد اغلط بعدهن واعيد

اتعهد اني الك من عندي تاخذ وعد

اصرخ بصوتي و أفز بالليل كم مره

وما يوم طيفك خطف ما مر علي مره

الدنيا يا صاحبي بعدك صفت مره

دور ابهذا الزمن ماتلقه صاحب وفيشاهد العودة الىكلمة وفي وهو واجب في القفلة

اعود الى العتابا التي كتبتها انت وارد عليها وارفع التهمة عن تلك الحبيبة وانها لم تقبل الفراق لكنهااجبرت عليه وهذا لسان حالها يقول[/size]

ـ ما انسى حبك لا ، بقلبي قبلتك (( من القبول))
شفافي ابد هيهات تنسى قبلتك (( من القبلات ))
ما همني كل ما صار ، ابقى قبلتك (( من القبلة ))
مجبورة وانت وهلي والناس كلكم عليه

تحياتي لك وشكري
الدكتور نجم السراجي
النمسا 2008
مدير وصاحب شبكة ضفاف الدجلتين
www.dijla-net.com

محمد علي الصالح

07-22-2008, 03:53 PM

ما يوم جَرَحْنا خِلْ ولا نْصَبْنا=خيام الحب لحبابي نَصَبْنا
بكلمة شَرَفْ ما كْذَبنا ونَصَبْنا=وكلام الحق يطرق لكل باب

محمد علي الصالح

07-22-2008, 03:56 PM

ان قالو الحرب قلنا ع الوغى-در= ومن أرض الوطن ما عمري وغادر
ولأصحابي ما رح أكون غادِرْ=وكلمات الوفى عندي كالذّهب

صالح الأحمد

08-05-2008, 05:04 PM

عتابا قول لا يصيبك تَرَدُّد = صدى صوتك ع أوتاري تَرَدَّد
عليك القول وعلينا نِرَدِّد = نشيد الروح وما علينا عتابأخي وشاعري الطيب
وتبقى العتابا سلطان الشعبي
ويبقى حرفكم رائع وبديع

لكم التحية