سمراء

[عقاب اسماعيل المغربي]

سمراء
***-
خدك لونو ها الاسمر
عالدنيا قمح منور
علمني عادرب الحب
علمني اعشق اسهر
فتح عا الحب عيوني
جوعان بحبك اكثر
حبك صف بيعطي دروس
من غمرك بعمل بيدر
ومن سحر عيونك والكحل
النرجس بحوضي زهر
عا خدك تفاح وورد
وخبز مورد ومقمر
لونك خاطف مني اللون
من القمح اللون الاسمر
محبوبة قلبي والروح
وكل يوم بحبك اكثر
كل يوم بحبك وبزيد
وبكتب اسمك عا الدفتر
وبكتب اسمك جوا القلب
وبحفر بنصل الخنجر
وببنيلك بصدري العرش
وببني مدماكو بمرمر
وسقيتيني كاس الحب
عا رضاب شفافك بسكر
وبدربك عم بمشي الدرب
راكض عا حبك اعثر
ولو سالوني شو الموضوع
رح قللن ربي اخبر
من عيني بتهل دموع
تا تزيد جنودا عسكر
وفيها والها بزيد ولوع
سمرا وبتحب الاسمر
***-
ابو شوقي

[نجدي حاطوم]

اخي عقاب المغربي

اهلا باول مصافحه لك بمنتدى الكلمه

سرني جدا وجودك بيننا . لانه زاد من

جمال منتدانا .

كل الحب لك وللبنان واهله

محبتي

نجدي حاطوم

[سمير فياض]

كل يوم بحبك وبزيد
وبكتب اسمك عا الدفتر
وبكتب اسمك جوا القلب
وبحفر بنصل الخنجر
وببنيلك بصدري العرش
وببني مدماكو بمرمر
وسقيتيني كاس الحب
عا رضاب شفافك بسكر
وبدربك عم بمشي الدرب
راكض عا حبك اعثر
ولو سالوني شو الموضوع
رح قللن ربي اخبر
من عيني بتهل دموع
تا تزيد جنودا عسكر
الاخ عقاب اهلا بك بدوحة معين حاطوم
التي وصلت الجليل بكفر سلوان
مع محبتي