عتابا

[علي عامر]

اذا جرحي قلعتي وهم شلتي * بحيّكلك وفا وإخلاص شلتي
وي سمره شي ألف مليون شلته * شلت صبري جفاكي العمر ذاب


أنا مجنون شعر وحلم وردي * ع منهل سمرتي وردان ورده
اقطفي عن غصن جرحي مية ورده * عبابك زيّني بعطر الحباب


م كنت بشيطنة هـ الحب داري * وضلّيت الألم والجرح داري
بنيلي القهر بالمجهول داري * وسقف عم يدلف مويّة عذاب


ي توت الصدر بالإخلاص طيّب * دوخت الوجد جوّا قلب طيّب
وي رمش الولف أكتر حد طيّب * ان مرقت على الدّهر صفّا سراب


رمشك سيف عرق القلب قاطع * وقلبي عا مواج السهر قاطع
وشرّدتي خيالي بحضن قاطع * اللي زهّر شوك حاير ع الغياب

[منال شامي]

علي عامر
رائع جداً كالعاده
تقبل تحياتي
منال شامي

[علي عامر]

عا صفحتي المتواضعه أحلى منال

طلّت بعطر الزنبق وسحر الكمال

وأحلى تحيّه للزميله ببعتا

وخلّي الشعر للقافيه يغرّد دلال

[منال شامي]

يا علي أكتب وزيد..
وعن درب الشعر ما تحيد..
مستقبلك منوّر أكيد..
يا رب بارك بكل جديد...
تحياتي منال شامي

[نور عقل]

جميل جدًّا ... عتابا مميّزة ...
سجّل مروري ...

تحيّة

[علي عامر]

اهلا بنور الشعر يا ارفع علم

عا هـ المرور ل فاض عطرو للعتاب

وقلبي شهاده منّك كبيره استلم

عاشق قلم يا شعلة ل محيت ضباب

[دريد دغش]

دايمًا شعرو بصفحات النت عامر
وأنا قاعد بقراها ولو كل الليل مسامر
الله يخلي كلماتك ويخليك يا شاعر
يا استاذنا يا علي عامر

[علي عامر]

خيي دريد الشعر ع المبدا خطر

وشعرو مطر من عين من قلب وحواس

ويا هـ الدني شو خير للأرض المطر

وعطر الوفا بعيانتو هوّي الأساس

[علي عامر]

ي شقرا حاجتك لؤم وعماله * سطيتي ع القلب روح وع مالي

شو طيشك عين أخلاقي عمالي * وم بعرف كيف رح أوزن عمالي

وذاب العمر بين فضّا ع مالي * السهر بجروح قهرت شمس آب

[علي عامر]

نهيد الحق ما عاد لو دوايي

وع همّ الشعر ما عطفت دوايي

وانا المجروح ومضيّع دوايي

دوايي حباب تلفي عا حباب

[وديع توفيق مرجية]

علي عامر بِشِعرو ، كْتيرْ فِرِحنا
قَلولْلنا بَسّ عِندو نْروح ، فَرُحنا
مَعاني شِعْرَكْ زادَتْ فَرَحْنا
تِحْيا وِتْدومْ يا مْفَرِّحْ لَلِحِبابْ

[وديع توفيق مرجية]

قصيدة على البحر الكامل
((( علي أميرُ العتابا )))
أتْحَفْتَنـا شِعْرًا جَميلاً يا (عَلِيّْ) * يَرْعاكَ دَوْمًا ، يا فَتـى ، الرَّبُّ العَلِيّ
في شعرِكُمْ أبْهَجْتَ أهْلَ الـمُنتَدى* فيهِ الـمَعاني صُغْتَ مِنْ نَوْعٍ شَهِيّْ
أُهديكُـمُ مِـنّي سَلامًا خالِـصًا *أنْـتُمْ لأصحابٍ لَـكُمْ خِـلٌّ وَفِيّ
أكْثِرْ " عَتابا " ، إنَّها تُـطْرِبُنا* فَـغِنـاؤُها يَمـتازُ بِـاللَّحْنِ الشَّجِيّْ
يا لَـيْتَ شِعري ، إنَّـني أرجوكَ أنْ * تَسْخو بِنَـظْمٍ للعَتابا ، يا سَخِيّْ
أعضاؤُنا ما فيهِمُ شَخْصٌ فَقيـ * ـرٌ ، كُـلُّهُمْ بِوُجودِكُمْ شَخْصٌ غَنِيّْ
زَجَلٌ لَكُمْ بِسُهولَـةٍ تَـنْظُـمُهُ * وَغَـيْـرُكُمْ ، عَليهِ نَـظْـمُهُ عَصِيّْ
إنّـا لَـنَطْـمَعُ بالعَطايا مِنْـكُمُ * فَالـنّاسُ بالأطْيابِ تَطْمَعُ يا أبِـيّْ

[علي عامر]

الأستاذ والشاعر المبدع

وديع توفيق مرجيّه

غمرتني بإخلاصك وتشجيعك الراقي

فضلك عليي كبير يا عمّي وديع * وطافح حنانك من جنى الذوق الرفيع

ببعت تحيّه من القلب مع هـ البيوت * للنبل ولقلبك الطيّب والبديع

وشعرك بحقّي شيّد بفرحي البيوت * بحروف من سحر وعطر زهر الربيع

وتكرم عيونك بجرح بسيف العتاب * صدر الدّهر بالموهبه بعلّي العتاب

وأحلى تحيّه ي بو سامر ع الوفا * يا شعلة الايّام يا شيخ الشباب

[علي عامر]

فؤادي يا شعر شكلك بريتو

ومتل بري القلام خابص ب ريتو

رغم ما للعدل وحدك بريتو

ولامع بالوفا ملولح ب رايتو

وانا جنون الدهر بشو باريتو

بنغمه من نبل بيت العتاب

[علي عامر]

ببرد ظنونك انتحرت عبيتي

وقصيدي جن بعتابي ع بيتي

دموعي جرار من سيلا عبيتي

ضميري بالقهر والله عبيتي

وجنون القلب شو مصمم ع بيتي

يلفّي ألوف متلك للعذاب

[علي عامر]

اذا الغيمات بتفرفط بردها

أخذها تشوشطو زياده بـ ردها

واذا النجمات إحساسك بردها

وبغابه شعّل عواصف بردها

الشعر لمواسمي الدفقه بريدها

الوفا في ضيعتي ساعي بريدها

العتابا تحرق اليابس بـ ردها

لحتّى تخضّب جروح الحباب

[نجدي حاطوم]

عاي عامر

انت الاجمل دائما بهذا اللون

ادامك الله بشعر والق

محبتي

نجدي حاطوم

[علي عامر]

الأخ الشاعر نجدي

بالكرمل مواهب شعر تنفح عطور

وحنكه مواسمها عم تفرّخ بذور

ونجدي الشعر قلعه القوافي سوارها

عم تشمخ على الدهر عا مرّ العصور

[سمير فياض]

تعي انت وانا بهليل نمشي
سالي جفني نكنو على الهجران نم شي
عوجه القمر يمكن في نمشة
وما في نمشي على خدود الحباب
مييييجانا
لا تزعلي بعد الرحيل رجوعنا
لكم محبتي

[علي عامر]

شكرا لهذا المرور الجميل

اخي الشاعر سمير فيّاض

تحيّاتي

[علي عامر]

قلبك نور كهف العمر دخلو


وعطرك يا حنونه القلب داخ لو


وي سمره هـ الصدر لك آخ دخلو

توّج قمر ليلي ع السحاب

[علي عامر]

من صدرك أنا بطعّم عدالي

وسواس الشعر ينفح عداله

وعلى هـ النعم خلقو عدا لي

وشافوني شموخ عنقودو ع داله

ومواسم خير شو عطفو عدا لي

وبرأين خير م يوافق لهب

[سمير فياض]

طلعنا بي جبل ونزلنا بخلة
وسقوني المر بعد المر خلة
عطيني لحظ عينيكي تاخلة
الغنم تحمل عصا وترعى الذياب
ميييييجانا
انت حياتي وماالي عنك غنا

[علي عامر]

دخيلك عن وفايي ما تعزّي

غمر دافي ولـ سعدي ما تعزّي

قبل قلبك ي شقرا مات عزّي

ونعشي كان حرمان وشراب

[سمير فياض]

حبابي غيروا بوعدن وخلو
وسقوني من الجفا مرو وخلو
كلمن جنبوا ولفو وخلو
وانا الحسرة بقلبي عالغياب

[علي عامر]

بصدرك لو البلبل آخ أنشد

فؤادي أنّة الإخلاص أن شد

وعلى جرحي دلع قلبك إن شد

بحبل الطيش بورد ع الغياب

[سمير فياض]

بحس النار بقلبي مشعلاي
وخبر من عند خلاني مشعلاي
حبيبي نداس عجفني ومشي علاي
ما ظني العين يحكمها اذى
غنت هذا البيت نجوى كرم
تحية لك اخي علي عامر

[علي عامر]

جميل جدا اخي سمير

كان المدى بصابيع قلبي مرجحه

صارت جروحي متل كفّه مرجحه

ومرّ النبي من حد منّك مر جحا

اخترتي جحا تزيدي على همّي الضنا

حنايا الشعر قلبك مرجحولو

وفا مخمّر ت زهّر مرج حولو

التهب قهري ضميرك م رج حولو

الاّ عواصف جرود وهضاب

[عقاب اسماعيل المغربي]

باقات الورد ياشاعر منى لك = رود وجود تاتحقق منالك
نور وعقل ود غيش ومنالك = عاشق قلم للحبر يفتنحلو بواب

[غدير قنطار]

يعطيك الف الف الف عافيه
روعه
دمت لنا
ودام نزف قلمك الثائر
تقبل مروري
تحياتي
غدير قنطار

[قاسم حاطوم]

جار الدهر يا صاحبي وغاب مشكاي....وما عادلي بطاقة البيت مشكاي....لوما الدهر زاد الخنا ما اشكاي....لكن رماني بالمصايب والخراب

[سمير فياض]

الجمال ولد بين احرفك اخي علي عامر

ضربني الدهر عا خدي تاعلم
وقللي من مصايبك يا شاطر تعلم
صرت لملم دمع عيني تاعلم
بريو اناملي والعظم ذاب

[غدير قنطار]

قللي الدكتور بعد فحص المخبري
عندك ملح في الدم عمبجري جري
فلت دوا قللي دوا لا تشتري
خذيلك شب قلبه صافي طري
وكل يوم لمسه من الاوجاع بتنبري
وعا قد ما لامست قلبك الحلا
راح الملح بس اجاني السكري..

كل الاحترام لك
شطرات مميزه
بالتوفيق والتالق دوما
تحياتي
غدير قنطار

[علي عامر]

يعطيكو الف عافيه الجميع

واليكم الجديد


ي شعري من دما المجهول شلّي


اناوالبدر بالأفلاك شلّه

وحنيني غازل الأوزار شلّه

ت تدفى الشمس قصداني تياب


طوشت الدّهر من لمعه بحرفي

سقيت القهر من شعري بحر في

ولكن قدقد شموخي بحرفه

دمع سكران ع خدود الحباب

[علي عامر]

حظّي لـ عدل قلبك معي عاجو

ع ميله البطش فيها ذاب عاجو

وقلبي بالعتابا رحل عا جو

وفايا من شريعة نبل غاب


ع بالي الوله خاطر كالغزاله

من شرايين قلبي كل غزا لي

بطشي بلعبة الغصّه كل غزا لي

صار الحزن والدمعه شراب


لو بغمرة حنانك كلف قيدي

أرواح العواذل كالفقيده

ولو حلمي ع بعدك كل فـ قيدي

شعلة قلب عتّم واختفا


لو بالمعركه كابي حصاني

سلاحي رمشها باخد حصانه

وبعمرو الشوق لحظه ما حصاني

بفتاتي غير حبّات التراب

[دريد دغش]

اجونا الحبايب وبقلوبهم حب وعاطفي
عليي الحبيبة مثل الام على ابنها عاطفي
بتعهد وبقلك مثل الشجر رح ظل عاطي فيّ
وعن عيني ما تغيب عين الحباب!!



بليل ما في ضي قمر جيت اطرق عبابا
شافتني وصرخت لبنيّة عبابا
يا الله الليلي اذا ما شقّوا عبابا
أنا رح أمشي علعميناي من لمغار ل حلب...

[علي عامر]

جنونك نغمة الحلوه عصالي

تركني بغربتي وسرّب ع صاله

أنا موسى الشعر سحرك عصا لي

جمر بخّور إلهام الخشاب


سهم البغض يا شهره م رامي

شي لحظه ولا إحقد مرامي

ولكن غايتي صوبك مرامي

الشعر أرّخلك شواط العتاب


بليل جروح سمره بنج حافل

شرّو بنهدتي ما بن جحافل

وبهـ الأزمان صاير بنجح آفل

والمنوّر بيسقط ع الجواب


بسجن الريح واقع حزن تلجه

خوابي العدل للشعّار تلجي

وانا رح ضل انزف شعر ت الجي

ل اللي جايي يعبد جنوني كتاب

[علي عامر]

قسيني المجتمع بيدر محالو

ودموعي رغم جهلنتو م حالو

واجا السلطان عا قلبي محالو

بقايا أمل بكفوف العذاب


صرلي دهور عا فرقه طويله * إصبر والوفا ضلوعي طويلي

حنيني انضام من غفلة بركتو * وجنوني سابح بخمرة بركتو

وي دمعاتي من الحرقه بركتو * ولفرحي ذنوب قدّمتو بركتو

وصفّا المجد متعمّد ب ركتو * ووعد باعات إخلاصو طويله

جروحي وحوش بالغصّه ومردان * وضميري بشر انصافي ومر دان

القهر موهوب عم يرسي ع مينا * وغمامك بالظلم سرّو عمينا

وقلبك سلّط شعاعو ع مينا * ت نشّف مر ألف قاصي ومر دان

وعندما تمرجح بكبتي وشعرو * ابتسم ومراحل الشمته وحى لي

قسي عا طيب هـ الخاطر وشعرو * بل حطّم وكيف وضعي وحالي

الدياب بنكبتي حسّو وشعرو * لأنّو العلقم مقطّر وحالي

الندي من نهدتي خضّب روابي * وبعد م العشق آياتو روى بي

خمير السّهد واللوعه روابي * بعذابو القلب بالزرقا شهاب


ل حاكمنا بلؤمو خلف جاري

لأنّو الجار معدن خل فجاري

ونهر الخون كان من خلف جاري

بخرير الندلنه شقّ السحاب