شو صايبو الله

[نجيب سجيم]

شو صايبو أللـه
خلق الدني كلاّ
وقلَّل الشّعَّارْ؟!
الظاهر بمعجنتو
جرّب تا يتسلّى
كاس العرق تلاّ
وما حسّ باللي صار
إلاّ بتاني نهار

[محمد علي الصالح]

ألله عمل عجيبه
خلق الكون ومجالو
وفي شَخِصْ شافو زبيبه
لأنّو شايـــف حالــو

((مجرّد ردّة غير مقصوده))

[نجيب سجيم]

انا ما بشوف حالي يا حبيبي ...غير بعيون هالناس الاديبة
شعري عنق عاج وصدر مرمر.... رجف ثلج الحسيدي من لهيبي
وزبيبة ال انجبت للشعر عنتر....حقد شداد دفعها ضريبة
وانت ال من جواب الشعر ازغر....لا شداد ولا عنتر فيك قبلو
ولا قشة شايفينك بالزبيبة
((مجرّد ردّة مقصوده))
نجيب سجيم

[محمد علي الصالح]

حبيب القلب نجيب سجيم
ما أجمل الزجل ، إنّهُ إبداع من اللّه سبحانهُ وتعالى، إنّه فن روحاني في الفكر الأنساني.
عندما أحب شخص وخصوصاً زجال ، آتيه بالمداعبه أحياناًبصوره غير مباشرة، معممة للجميع. حتى لا يذكر إسمه حرصاً على علاقة أخوية صادقه.
واحتراماً لمشاعر أخي نجيب وهو،أستاذ راقي في هذا المجال، وحرصاً على إدراك المقروء بعقلانية ، هاتفتهُ معتذراً إذا أصابهُ سوء، فتقبّل ردّي بالتسامح وبالروح الفكريّة العقلانيّة المحبّه للديمقراطيّة.
وها أنا أقولها على الملأ بأننا أصحاب مشاعر وطيبة لا نكن الظغينة والحقد لأحد.
فاستبشر خيراً يا أبا أسعد

[علي عامر]

يا عيني عليك يا نجيب

كتير حلو

يمكن يكون الصايبو

سهم الوله

ودايب بجرح حبايبو

دوب الشمع

تحيّاتي اخي ابو اسعد

[نور عقل]

ابو اسعد ...

الله ما بينصاب .... سمعنا عم يصيب ...
تركوه هالحباب .... واولهن نجيب ...

حلوة حلوة منّك ... اااااااخ لو فيو واحد يعرف شو صايبو الله ههههه
يعطيك العافية :) ...

[منال شامي]

نجيب سجيم
الله مش صايبو إشي لأنو أعطانا
الحياه عباره عن امتحان صبر
تيشوف لأي مدى بيوصل صبر الناس
بس للأسف من بعد سيدنا أيوب ما في صبر
تحياتي منال شامي

[نجيب سجيم]

تحياتي الى الشاعر نور عقل والف شكر لمرورك
والى منال شامي اقول
الله يا منال بفكر نامي ....كوّن هالدني وخبا القيامي
نشالله هالقيامي يقيم الله....وانتي يا منال العبقريي
بصبرك تطلعي ايوب شامي
محبتي
نجيب سجيم

[منال شامي]

يا نجيب تعال تنرّجع سوا
صبر أيوب وكرم حاتم
وحبرنا ناخذوا من المي والهوا
وأشعارك فِ المنتدى أنشرها
وفِ الأصابع حطها خواتم..
تقبّل تحياتي
منال شامي

[alaa.w]

يا نجيب
الله قلل الشعار
وهذه مشيئتو
لكاتب الاقدار
ولا تفكر يا خيي
ولا تحتار
رح يبقى غيركم عتم
وانتو النهار

علاء وهبه+ايال مشيلح