الى الكبير معين حاطوم (وعد)

[نجيب سجيم]

يا ريت فيي قطّف الايام

وللجوع فيهم لفّ زوّادي

وبايد امسح دمعة الايتام

وبايد طعمي الشمس ل بلادي

..........................
يا ريت ترجع هالدني مشاوير

ولا تحرقي بغيابك سنيني

وانتي وانا شمعة وخيط منصير

تا ذوّبك كلما حرقتيني
............................
يا ريتها بتظل تذري ثلج

نفناف يشقع تالسواد يذوب

والا ثلج ما يظل فوق المرج

وكل الدني تلبس بياض قلوب
...........................

بحبك معين الموهبة والسعد

بحب الشعر وبقول بدي بعد

وعنك وعن لبنان مهما غيب

بتبقى بروحي يا وفا للوعد



نجيب

[علي عامر]

اخي ابو اسعد قصيده كتير حلوه

اتحفنا بالمزيد