ما بتنتسى ..للمرحوم العم محمد حاطوم

[نجيب سجيم]

يا عم بو عوني يا عطر يا طيب...معنا انت بتظل ما بتغيب
يا ارز عطرك طالع من الريح...يا لابس زهور الوفا تفتيح
بترجع على عتم القصيدي نهار...بترجع مع فصول الدني نوّار
بتضوي بهالكرمل مشاعيلك....وما بينطفي بلبنان قنديلك
وهيك القدر لما قصد يختار ....بيقطف ورد بستاننا الختيار
بتوقع مراجيح الثلج بالنار...ولا بينتهي ولا بيخلص المشوار
...........................
ثمانين عام قطفتها وكسور....بتزيد ع الاحساس فينا شعور
يا معتّق الايام بالخابي...من سمعتك طيب وحلا وبخّور
يا وجه عا نور الفجر رابي...قديش مشتقلك صباح النور
يا صنوبر الشامخ عهالغابي....يا رفقة العنقود والناطور
بعدو عطر وردك على ثيابي...بيقلّك ب بحّة صوت مقهور
غيابك اذا بيشتاق ل غيابي...بلبس من غيابك قصيدة شعر
وانت وانا منرجع وطنا نزور

رحمك الله يا ابا عوني يا وطني في غربة الاوطان...
ابو اسعد نجيب سجيم

[نور عقل]

ابو الاسعد عا قد الوفى ...... غير البي ما بينشفى
من فقد بيّو فقد الغلى ...... فقد في الشتي حضن الدفى
من فقد بيّو فقد الحلا ...... فقد في الصيف فيّ الصفى
ربي راحم الروح النقيّة ...... روح الخلّفت كلمة قويّة
ابو عوني في الجنّة التفى

اشكر موضوعك والله يرحم والد الاستاذ معين حاطوم ووالد الاستاذ نجدي حاطوم !

تحيّة

نور

[نجدي حاطوم]

الاخ الشاعر والصد
يق الوفي نجيب سجيم

اشكرك من اعماق قلبي. وما قصرت

وانت ادرى ان الوالد كان يعتبرك من اهل البيت

او ولدا من اولاده
اطال الله في عمرك وابقاك ذخرا لنا
واتمنى من الله العظيم ان نفرح معا
باسعد الصغير

بمحبه

نجدي حاطوم