ما جاها خبر

[دارين طاطور]

ما جاها خبر

ترحل الطيور
تذبل الزهور
تغيب شهور
بس تعود مع عودة الربيع والنور

تغيب الشمس ويطلع القمر
والشباك مفتوح مع طول السهر
تستنى بس يجيها عن حبيبها أي خبر
----*----*----

وليلى قاعدة ورفيقها الحزن بتستنى على نار
كيف لا وحبيبها شادي سافر عنها وهجر
بتدوّر وبتقول وين الحنين
تسأل الغريب قبل القريب
ويا ريتها لاقت أي دليل
وين الحبيب وين رحل
راح وما ترك ولا حتى خبر
ومن غير لمسة ايد إختار السفر

تحاكي حالها وتقول:
طمني حبيبي وقلي بس لوين المصير
بعدك أنا وحيده
وساكنه بقلعه بعيدة
بشرب مية الدمع وعليها عايشه
وباكل حبات الآه المرة الحزينه
----*----*----
ترحل الطيور
تذبل الزهور
تغيب شهور
بس تعود مع عودة الربيع والنور

تغيب الشمس ويطلع القمر
والشباك مفتوح مع طول السهر
تستنى بس يجيها عن حبيبها أي خبر
تتذكر وتبكي هالمسكينه..
بعد ما تفكر إنها عاشت قصة حب مخدوعة
مكسورة.. مجروحه وللأحزان مرهونه
تسهر طول الليالي وبلسانها ما في غير هالمنيه
إرجع يا طيري.. إرجع ورجعلي حياتي الحلوه
إرجعلي عشان نحقق أحلامنا الورديه

كل يوم ترجع عالمشهد ونفس السيناريو بتكرر
وحالها تسأل يا ترى حبيبي رجع من السفر
ألف سؤال وسؤال بلف براسها وبدور
شو اللي حصل.. راح وما في ولا خبر
وين راح حبيبي عني سافر وهجر
يا ترى وين هو عايش بكوخ ولا بقصر
ولا لقاله هناك حبيبه
تجوز ونسي الوعد وغدر
يا ترى نسيني ونسي سنين الإنتظار
شو بيعمل وشو بفكر
ولوين قاده الفكر
----*----*----

مسكينه وقاعده وحيده
وما بتعرف سر هالغيبه
ما بتعرف إنه وراها مصيبه
ما عرفت شو صار
شادي حبيبها مات وما جاها خبر
----*----*----*

ترحل الطيور
تذبل الزهور
تغيب شهور
بس تعود مع عودة الربيع والنور

تغيب الشمس ويطلع القمر
والشباك مفتوح مع طول السهر
تستنى بس يجيها عن حبيبها أي خبر
15.01.2005

[ميرا ناصر]

مسكينه وقاعده وحيده
وما بتعرف سر هالغيبه
ما بتعرف إنه وراها مصيبه
ما عرفت شو صار
شادي حبيبها مات وما جاها خبر

يقولون الانسان يشقى بقدر ما يعلم
فلندعها تنتظر وعندها امل برجوع شادي
خير لها من فقدان الامل
فالانسان يحيا بالامل وبدون يموت

تحياتي الك دارين:)

[دارين طاطور]

مسكينه وقاعده وحيده
وما بتعرف سر هالغيبه
ما بتعرف إنه وراها مصيبه
ما عرفت شو صار
شادي حبيبها مات وما جاها خبر

يقولون الانسان يشقى بقدر ما يعلم
فلندعها تنتظر وعندها امل برجوع شادي
خير لها من فقدان الامل
فالانسان يحيا بالامل وبدون يموت

تحياتي الك دارين:)

صديقتي ميرا ناصر..
ولا تزال على قيد الانتظار..
ولكن اللقاء احترق
وحل رماد تناثر مع ذرات التراب..
أشكر مرورك على كلماتي...
وأشكر كلامك..
تقبلي احترامي...

[علي عامر]

الاخت دارين

يعطيكي الف عافيه

شعر روعه

[نجدي حاطوم]

الاخت دارين طاطور

تعالى نكتب الفرح كما نكتب الالم

تحياتي

نجدي حاطوم

[زكريا ابراهيم العمري]

جميلة جدا 00
zakariaalomari@yahoo.com