مقتطفات من شعر خالد زهر

[سمير فياض]

يا أرض غَنّي لدني غَنّي

إنتي الجنة ولذة الجنة

منّك شربنا المي والوردات

حنو عليكي قبل ما تحني

يا أرض منك أنا تكونت

ويا أرض إنتي مكوني مني

ومهما عليكي عليت وتكبرت

وستهزأت من لونك البنى

ليكي إنا رح عود مهما سرت

لا بد ما يوقف عجل سني

واليوم عايش فوقك وبكرا

تربتك بتصير فوق مني

***

[سمير فياض]

يا بلادي يا حلم فنان

يا هدية الإنسان للإنسان

يا لون من عطر السما تجلى

وجلغم جبين الارض بالألوان

يا دني لمن وعي الله

وجن فكرو وندلع بركان

مد إيدو من الحلا ملا

خرطش على لواحو الدني كلا

وطّى جبين المقدرة علا

رخص من وجود البشر، غلّى

رصع جبين بلادنا تسلى

دنق بكي، تجمد عليها التلج

رشو حلا ع صفحتو تمرى

شاف وجو ع تلج صنين

تعجب بإعمالو، ركع وصلا

[نجدي حاطوم]

اخي سمير


جميل ما نقلت لنا للشاعر المرحوم خالد زهر

الذي توفي في الغربه قبل حوالي السنه

ان كنت تعرف عنه اكثر اكتب لنا

محبتي

نجدي حاطوم

[سمير فياض]

الثامن من تموز : وقفة العز المستمرة عبر اجيال النهضة

الشاعر الرفيق خالد زهر

2007-07-05
نسخة للطباعة

يلـّـي بيمـشــي.. تـحــت ظــل الـزوبـعــة..

لـو مــات.. بـتـضـلاّ حـيــاتــو مـرصـعــة..



هذه القصيدة للرفيق الراحل، الحي في ذاكرة حزبه ووجدان رفقائه ومحبيه، خالد زهر، كتبها في حزيران عام 2002 في لوس انجلوس، تلك المدينة التي احتضنت جسده بعد صراع مرير مع داء راح يقتات من جسده انما لم يتمكن من روحه النضالية ولا من عزيمته ولا من بقائه حتى آخر لحظة يلهج بالحزب، يسأل عنه، يحيي رفقاءه ويرفع يمناه بالـ تحيا سورية...

الرفيق خالد زهر الذي نستذكره اليوم في قصيدته الرائعة، نذكره كل حين باعتزاز، ولوعة، فقد غادرنا وهو في اوج عطائه، وفي وقت نحن أحوج ما نكون فيه إليه والى امثاله من المناضلين الاصفياء، الاصحاء، الذين كان يعني لهم الحزب كل وجودهم.





*** ***

تـمـــوز بـعــدو وكـلـنــا غـبـنــــا

يـجــددّ شــبـابــو كـل مـا شــبـنـــا

تـبـلــور علـى ذرات حـبـــة تـبــــر

منـكـتـبـــو وبـيـضــل يـكـتـبـنـــا

بـعـلـمــك التـاريـخ صـبـّح شــبــــر

ويـبّـســت علـى دراجــو مسـاكـبـنـــا

بيـطّـل إســمـو مـن حـنـايــا القـبـــرْ

بتـعـلــى علـى القـمــة مـواكـبـنـــا..!

***

يــا بلادنـا ضـاقـت.. حـنـايــا الصـبــر

وزاحـت عــن.. النـبـعـة مشـــاربـنـــا

عـا عـروشــنـا تـربـّع زنــات العـهـــر

وضـاعـت مـشــارقـنــا بمـغـاربـنـــا

عــا وجـوهـنـا عـلـّم دبـيــك الفـقـــر

وعــا كـتـافـنـا.. تِـقـلـِت مـأربـنــــا

كـل مـا دعـســنـا عـا صـروف الـدهــر

بـتـفــوت بـالظـلـمــة كـواكـبـنــــا



كـل مـا جـتـرحـنـا مـن دمـانــا نـصـر

وبـســـهـامـنـا ورمـاحـنـا صـبـنـــا

بـتـتـوقـّـع الصـفـقـة بـحـديـقـة قـصر

وبـتـكـتــر مصـيـبــي مـصـايـبـنــا

وكـلـمـا قـتـلـنـا عـقـربـي فـي جـحـر

بـتـولـد ألـف افـعـى بـمـحـاربـنــا !!!!

***

يـا بـوش... يـا قـاتــل هـنـود الحـمــر

مــا تـفـكـرش. إنــك بـتـرهـبـنــــا

نـحـنـا ع كـف المـجـد عـشــنا العـمـر

والـدهـر نـفـحــة مـن مـنـاقـبـنــــا

كـل الغــزو هـالأرض مـاتــوا قـهـــر

ويــا مــا.. طــواد الارض شــيـّبـنــا

عـشــت عـمـرك فـي مـلاهـي الخـمـر

نـحـنـا صـبـر.. مـا فـكـش تـشـربـنـا

قـديــش بـدو يـطـول.. حـبـل الســحر

ســــآل رومـا عـن عـجـايـبـنـــــا

مـن عـنـدنــا بـلّّـــش طـلـوع الفجـر

والشــمــس.. ربـيـت عـا مســاطـبـنـا

نـحـنـا خـتـرعـنـا المـقـلمــي والحبـر

وشــلنـا الحـضــارة .. عــا منـاكـبـنـا

غـنـيـنـا العـقـل.. صـغـنـا. نـواة الفكـر

والكــون كـلــو مــن مـواهـبـنـــــا



مـحـراثـنــا.. شــق الســهـول الخضـر

ودولابـنــــا... وسّــــع مـلاعـبـنــا

دقّــت بــرج رومــا الـزنــود الســمـر

ويــا مــا.. ثـلــوج الألــب... ذوّبـنــا

يـا بــوش عـشــنـا.. رغـم أنـف الـدهر

نـحـمــي الكـرامــة فـي قـواضـبـنــا

كـان البـحــر ابـيــض.. زرّق البـحــر

مــن الحـبـر يـلــي عــا مـراكبـنـا..!!

يــا عـرب.. زمـجـــر لهـيـب الجـمـر

التـاريــخ واقــف عــم.. يـراقـبـنـــا

عــا عـروشــنـا.. ذل القـذى والفـطــر

وبـالكــرم وكّـلنــا.. ثـعـالبـنــــــا

فـلســطـيـن.. كـلَّ.. فـي.. سـجون الاسر

ويـن الكـرامــة ؟؟ ويــن واجـبـنــــا

بـغــداد.. مـحـضّــر شــعبهـا للنحـر

وبـلبـنــان.. اللــه عــم يـعـاقـبـنــا

مــا عـاد عـنـا للكـرامـــة إثـــــر

حـســابـاتـنـا.. مـشـش مـن تجـاربنــا

ولـك.. يـا عـرب نحنـا ختـرعنـا الصفــر

والصفــر لــزّق.. عــا شــواربـنــا.. !!

***

تـمــوز عنّــا رد.. وإلنــا مـعـادلـــي

مـا المـوت.. مشـــش قصـة فنـا ومجادلـي

نـكنـو حقيقـة.. مــا الحقيقـة مـشــبـعـة

نـكنـو.. وهــم.. صعبـي نحـلّ المـسـألـي

هـالعمـر.. تـكــة.. رايـحـة أو راجـعــا

وبـكـرا بقـيـاس الـوقـت.. أكبـر معضلـي



حـتـى الشـمــس يـلـي علينـا مشـعشـعة

عـمـرا بـزمـان الكـون لحظـة.. مسـربلـي

وكـل النـجــوم الفــي سـمـانـا طالـعـا

بغـربـال.. ذرات الـوجــود مـغـربـلــي

بـقـيـت لآنــا... نــار ذاتــا والـعــة

وضــوت لآنــا... بالنـظـام مكـبـلـي...!!

***

هـيـك نـحـنـا... نـطــل يـوم المعمـعـة

ولـبـّد.. نعـيـق المـوت عـا حـيـط البلــي

بـتـشــوفنـا.. وكـل الصـدور مـشــرّعـة

وجـبـاهـنـا.. بـنـار الشــضايـا.. مجـدلّـي

أبـطالـنـا.. مـن كــل صـوب مـجـمـعـة

ومــن كـل ديـن وكــل.. ارض مـبـجـلـي

منمـشـيـش تـا ننصـر شـي صاحـب مزرعة

او شــي فـرد.. ماشــي أمـام القـافـلـــي

منـمـوت.. حـتـى كـل.. زلـة نـمـنـعــا

ونحـمـي شــرف أرض الجـدود البـاسـلــي

يلـي بيمـشـي.. تحـت، .. ظـل الـزوبـعــة

لــو مــات بتـضـلا حيـاتـو مـرصـعــة

مـــــــــا الـمـــــــــــوت..

يــا مـوتــة سـكـيـنـة مـايـعـــــة

ع فـراش. قـطـنـاتـو.. الطـريـي مهلـهلـي

يـمـا شــي وقـفـة عـز.. دم مـجـرعــة

مثـل وجـدي أو ســنـاء محـيـدلــــي؟؟؟؟




نضال القادري

كتبت هذه القصيدة باللغة التي يحبها شاعر النهضة الكبير الأستاذ خالد زهـر. الراحل الذي ترجل من صراع الوجود إلى نزهة الوجود على غفلة منا. خالد!! لك من القلب تحيتي الماطرة، ومنا أكثر من ألف ألف سلام.
(في ناس خلقوا وبعد، ما خلقوا / وفي ناس ماتوا وبعد، ما ماتوا). اليوم: في زهر فتّح وبعد ما فتّح، وزهر فتّح ومش رح يموت.



موشحة بزهـر النار

طاب العسل من تم الصبية
ترندح لعرزالك بكانون وما أصعب الشتويه!!
وين شلحتها؟ وين شلحتها؟
مكسرة غصونك ع غدرات الزمان
وع غيباتك.. ما أصعب الغيبات
يا زهر.. يا دهر..
تفتحوا أسرار النار
شلة عبيد صغار
حفروا على باب القلب بير كبير
حرقوا حقول القمح
وشجرة الميلاد
وسكروا بواب السما بمفتاح
ويسوع:
خمر، وعبيد، وسكرجيي
وتفاح:
أحمر وأصفر وأبرص
وبلد عم تاكلوا الطائفيه!!!

*** *** ***

اشتاقت صبية لطلاتك بليلة عيد
وين شلحتها؟ وين شلحتها؟
زوبعة موشحة بزهر النار
تصدح بصوتك الهدار ليل نهار
بدنا نكبر الإعصار
ونجمع الزفات للعرس الكبير!!!
الزوبعة موشحة بزهر النار
وزغاليل ترقص من وجعها
وين شلحتها؟ وين شلحتها؟
وإنت بتعرف وجعها وساكت من سنييـن
يا خالد ما أصعب الوجع المخبى
وليمون حيفا اللي انسرق
متل صوتك، متل موتك اتخبى
جبان الموت يا رفيق الهوايه
وجبان الشعر من بعدك
و"عكـروت"
يا خالد، الموت ما بيموت
ونحنا أكبر من الموت
مش زوبعة بفنجان
"عكـروت" الموت ما بيموت/
نحنا الخصب،
نحنا النحل،
نحنا القضية،
نحنا الهلال،
والزهر ع شفا ف خالد يرقص للصبية
ناطرينك كل يوم يا خالد
وما أصعب الشتويه!!!

[سمير فياض]

اخي سمير


جميل ما نقلت لنا للشاعر المرحوم خالد زهر

الذي توفي في الغربه قبل حوالي السنه

ان كنت تعرف عنه اكثر اكتب لنا

محبتي

نجدي حاطوم

الغالي نجدي
هذا الرابط فيه كل ما كتبه رفقاء رفيق الدرب خالد زهر

http://www.queen-love.com/index.php?showtopic=6494